پنجابی زبان دے بہت سارے لکھاری مرکز توں اپنے اپنے علاقیاں وچ پنجابی زبان وچ شاعری تے نثر لکھ کے مادری زبان دی ترقی وچ بھرواں کردار آدا پئے کردے نیں۔چند دن پہلے اپنے اک شاگرد محمد احمد ایڈووکیٹ دی دعوت ولیمہ تے سمندری شہر جاون دا اتفاق ہویا۔ ویگن سٹینڈ توں اُتر کے میں سب توں پہلے پنجابی تے اردو دے جواں فکر شاعر اشرف شاکر دے آستانے تے حاضری دتی۔اشرف شاکر کول نہ صرف شہر سگوں آسے پاسے دے لکھاری وی مل جاندے نیں۔اپنیاں مہینہ وار اجلاساں راہیں ادب دی سیوا دا حق آدا پۓ کردے نیں۔اجکل سمندری وچ پنجابی لکھن والے دوسرے لکھاریاں وچ رانا محمد زبیر، نادر سلطان ثانی ،حکیم سرفراز تابد، غلام مصطفی عنبر ،صابر چودھری ،عرفان سانول ،ارشد حمید ساگر، منشا منصف ،رمضان عاشر، منتظر بٹالوی محبوب جوگی، ذولفقار ثاقب،ضیا پرویز، ذیشان طارق ،عبدالرحمان جامی تے عبدالجبار منٹھار دے ناں اہم نیں۔۔سمندری دے وچھڑن والے لکھاریاں وچ حکیم اللہ بخش مہاجر ،مظہر حیدری ،محمد انور بھٹی ،سائیں عبدالغفور ،پیراں دتا ،غلام یعقوب سہارن پوری ، محمد اکرم نسیم ،یوسف نگینہ تے اللہ دتا یوسفی ورگے مہان پنجابی سیوک شامل نیں۔
تاندلیانوالہ پہلے سمندری دی تحصیل دے طور تے جانیا جاندا سی۔ہن ایہ وکھری تحصیل اے۔ایس علاقے وچ پنجابی شعروادب نال جُڑے لکھاریاں وچ وڈے وڈے ناں سامنے آۓ نیں۔جیویں آصف صابری، احمددین شعور ،اقرار جوئیہ، ایوب کموکہ، پروفیسر ڈاکٹر اصغر بلوچ ،نصیر احمد بلوچ ، اختر شاہ، اعجاز وصلی ،اقبال ساجد ،خضر حیات بلوچ ، یارمحمد دلشاد ،بشیر حامد، بشیر فیض، تنویر نوازش، حشمت اللہ طالب، حیدر علی حیدر ،محمد شہزاد نسیم ،حنیف یاد، رستم علی عاصی، محمد یونس ملک ،شاہد خیالوی ، ناز خیالوی ،ریاض احمد راز، شہادت علی شہید،اعجاز اسیر ، عبدالرحمان بلوچ، ڈاکٹر عبدالجبار، عنایت اللہ آزاد، کالے شاہ ،محمد صدیق شاہ گیلانی، مشتاق کلیم وٹو، زاہد حسن، مظہرالحق اطہر، ملازم حسین,ملازم ،سید ناصر چشتی، پیر انوار قادری تے نثار احمد خیال ۔
1یہناں توں وکھ وی کجھ ناں تاندلیانوالہ دی پہچان بن کے سامنے آۓ نیں ۔ایہناں وچ ذکر جوگ لکھاری عثمان پھلروان اے۔ایہ اردو تے پنجابی دونہاں زباناں وچ لکھدے نیں ۔ایہناں دی ذاتی لائبریری وچ ڈھیر کتاباں موجود نیں ۔علمی تے ادبی کماں وچ دوستاں دی بڑی مدد کردے نیں۔ ایس علاقے وچ پنجابی زبان دے لکھاری ہور وی ہوون گے۔اجیہے سارے پنجابی لکھاریاں دا ریکارڈ تحصیل دی سطح تے سانبھن دا,آہر کرنا چاہیدا اے۔ایہ کم ایسراں شروع کرنا چاہیدا اے جے ہر تحصیل وچوں پنجابی دے رسالے چھپنے شروع ہو جاون ۔مرکز وچوں یا دوجے شہر وچوں آ کے کسے نے کم نہیں کرنا۔ ایہ تے مقامی دانشوراں دی دلچسبی نال ای گل اگے ودھ سکدی اے۔اپنے ورثے دی سانبھ سنبھال کرنا وقت دا تقاضہ اے۔جیہڑے وی ہیرے موتی نظر آؤندے نیں ایہناں بارے قلم چُکنی مقامی شاعراں تے ادیباں دا فرض بن دا اے۔ہر تحصیل دے لکھاری ایس بارے سوچ وچار کرن۔اپنی زبان دا ادبی سرمایا اکٹھا کرنا ہر پنجابی لکھاری تے فرض بن دا اے۔ آؤ کجھ گھڑیاں ایہناں ادبی موتیاں دی تلاش وچ صرف کر کے ویکھئے۔
