پنجابی دے لکھاری شاعرادیب تے محقق ادبی کماں وچ رجھے رہندے نیں ۔ اپنیاں کتاباں چھاپدے نیں تے فیر کسے وڈے شہر یا کسے دوجے شہر کتاب دی تقریب کر لیندے نیں۔ایسراں آپے وی خوش تے یار سجن وی راضی۔آؤ ویکھیے جے پنجاب دے لعلاں دے ونجارے کیہ کر رہے نیں۔ ☆ڈاکٹر شہباز ملک۔پنجابی کتابیات دی تیجی جلد دی ترتیب ۔ ☆ڈاکٹر حفیظ احمد ۔ادبی تقریبات دیاں صدارتاں ۔ ☆ڈاکٹر احسان اللہ طاہر ۔دیباچے لکھن وچ مگن۔ ☆عاشق علی فیصل ۔قرآن مجید دا پنجابی ترجمہ ۔ ☆ڈاکٹر محمد ایوب۔نویں کتاب لکھن دی تیاری۔ ☆ڈاکٹر حمید محسن۔تحقیقی گائیڈ ادب سویر دا گورمکھی ایڈیشن دی اشاعت۔ ☆ڈاکٹر اظہار احمد گلزار ۔اردو دے بعد پنجابی زبان وچ وی پی ایچ _ڈی دی تیاری۔ ☆انور انیق ۔بالاں واسطے لکھی کتاب بال اڈاری دی اشاعت۔ ☆ڈاکٹر ناصر رانا۔سردیاں گزارن واسطے کسے گرم ملک ول جاون دی تیاری۔ ☆ناز اوکاڑوی۔سنیہا دا کہانی نمبر چھاپن دا جتن۔ ☆سید حامد شاہ بخاری ۔چن دے نال پریتاں دی اشاعت دی وچ مصروف۔ ☆عاقب ستیانوی ۔کتاب لڑی لوک وراگ دے سٹال لگاون وچ۔ ☆صابر سودائی ۔کتاب لڑی چنھاں دی دوبارہ اشاعت ول دھیان۔ ☆ممتاز بلوچ ۔جھنگ دے لکھاریاں دا ادبی دبستان بناون دا آہر کرن وچ پیش پیش۔ ☆پروفیسر ثقلین شعیب پاتو آنہ ۔گورنمنٹ کالج جھنگ دی ثاقب ادبی مجلس دی چھتر چھاویں پنجابی پڑھیاراں واسطے کتاب لڑی دا سلسلہ شروع کرن دی تیاری۔ ☆وارث علی وارث۔کسے ہور چینل نال رشتے مضبوط کرن وچ مگن۔ ☆ساحر سلہری نارووال ۔موبائل دی نوٹ بک توں رجسٹر تے کلام نوٹ کرن وچ مصروف۔ ☆عبدالستار راز ۔لوک رہتل دیاں تصویراں نوں منظوم شکل وچ سامنے لیاون دا جتن۔ ☆ڈاکٹر اکبر علی غازی ۔سیالکوٹ دے لکھاریاں دی مردم شماری ۔
